„Спомени – Иван Анастасов Грчето“ ги содржат сеќавањата на револуционерот и војвода Иван Анастасов – Грчето, запишани и приредени од Љубомир Милетич. Во нив се опишани неговото приклучување кон ВМРО, средбите и соработката со Гоце Делчев, револуционерната дејност во Серскиот и Струмичкиот револуционерен округ, подготовките за Илинденското востание и борбите против османлиската власт. Делото претставува значајно мемоарско сведоштво и вреден историски извор за македонското ослободително движење од почетокот на XX век.
Библиографски податоци
- Автор на спомените: Иван Анастасов – Грчето
- Запишал и приредил: Љубомир Милетич
- Наслов: Спомени – Иван Анастасов Грчето
- Место на издавање: Софија
- Година: 1927
- Јазик: бугарски
- Вид: Мемоари / историски извор
Дигитално издание
Контекст
Спомените на Иван Анастасов – Грчето даваат непосреден увид во организациската работа и четничката дејност на ВМРО во Серскиот и Струмичкиот револуционерен округ. Во нив се опишани средбите со Гоце Делчев, подготовките за Илинденското востание, револуционерната агитација меѓу населението и борбите со османлиската војска. Поради сведоштвата на непосреден учесник, овие мемоари претставуваат значаен историски извор за проучување на македонското револуционерно движење.
Подготвил: Цане Ѓорѓиевски