Милан Ѓурлуков е роден на 14 ноември 1884 година во селото Кривогаштани, Прилепско.
Основното и гимназиското образование го завршил во Прилеп, по што работел како учител во родното село. Рано се вклучил во редовите на ВМОРО и четникувал во четата на Глигор Наумов.
За време на Илинденското востание бил пунктов началник во својот роден крај. Учествувал во четата на Питу Гули и се борел во познатата битка кај Црн Врв. По востанието продолжил да дејствува како четник во четата на Толе Паша.
Набргу бил уапсен од турските власти и осуден на четири месеци затвор во Битола.
Во 1904 година, по пресуда на ВМОРО, во Прилеп го ликвидирал свештеникот Ставре Игуменов. Потоа станал подвојвода во четата на Ванчо Србаков, а по неговата смрт во 1905 година станал самостоен војвода.
До 1907 година бил светиниколски војвода на ВМОРО.
Во 1908 година бил делегат на Ќустендилскиот конгрес. Поради својата револуционерна дејност повеќепати бил апсен и затворан во затворите во Куманово, Скопје и Битола.
Учествувал во Балканските војни и во Првата светска војна како војвода на чета во составот на Македонско-одринското ополчение.
По војните повторно бил активен во редовите на ВМРО како светиниколски војвода.
Во 1920 година учествувал во основањето на организацијата на македонските војводи и четници „Илинден“, формирана на 16 декември во Софија.
На 9 септември 1944 година бил убиен без судење во Скопје од новата комунистичка власт.