Марко Иванов е роден на 20 јуни 1877 година во селото Палеор (денес Фуфас), Кајларско.
По приклучувањето кон ВМОРО најпрво дејствувал како курир и доставувач на оружје за потребите на Организацијата.
Во 1903 година преминал во илегала и станал четник во четата на поручникот Георги Попанчев. Во мај истата година присуствувал на Смилевскиот конгрес, на кој биле донесени одлуките за подготовка на Илинденското востание.
За време на Илинденското востание дејствувал како војвода и учествувал во борбите за ослободување на гратчињата Клисура и Невеска, како и во други борбени дејства во Костурскиот револуционерен реон.
По задушувањето на востанието продолжил да дејствува со својата чета и да работи за обновување на револуционерната организација.
Во Првата балканска војна во 1912 година учествувал како војвода на чета во составот на Македонско-одринското ополчение.
Починал по тешко боледување на 16 декември 1933 година во Софија.