Лазар Мишев е роден на 10 март 1881 година во Кавадарци.
Гимназиското образование го завршил во Солун, по што се вратил во родниот град и работел како учител. Во тој период станал раководител на Тиквешкиот околиски комитет на ВМОРО.
Пред Илинденското востание бил помошник-војвода во четата на Петар Јуруков, а за време на востанието дејствувал како самостоен војвода.
По задушувањето на востанието заминал во Бугарија. По прогласената амнестија повторно се вратил во Македонија, но бил уапсен и затворен. По ослободувањето повторно се преселил во Бугарија.
Починал на 7 декември 1951 година во Софија.